|
Donnerstag, 10. Juni 2010 um 11:10 Uhr |
Lang hods dauad bis as Weda endli mal aweng schäi woan is! Wos gidds dou schäiners als a weng a Musi in sauwam Dialekt zu hean! Midlawaal sann an haffa Termine zammkumma, wouz die Bänd live seng kinz:
am Samsdooch, 12. Juni 2010 afm Altstadtfest in Neimoakt (Neumarkt...) i.d.Opf. (um halwa 6e)
am Sunndooch, 13. Juni 2010 in da Zoiglfabrik in Tschitscherlbooch (Windischeschenbach...) ( um ca. 17 Uhr)
am Sunndooch, 04. Juli 2010 afm Bürgerfest in Woldsassen (ab ca. 18:00)
am Samsdooch, 17. Juli 2010 bei Rock im Förderzentrum in Midadeich (Mitterteich) (um 18 Uhr)
am Sunndooch, 1. August 2010 afm Bürgerfest in Falkaberch (Falkenberg) (a ab 18 Uhr)
Also: Schaut's vorbei, bstöllts eich a Bäia und habt's an Spaß! |
|
|
Sonntag, 28. Februar 2010 um 20:47 Uhr |
|
 Endlich woas sowwit: nach am halbm Joa Pause, is die Band in alter Frische wieder af da Bühne g'standn! Und zwar in *der* Kult-Kneipe in Woldsassn: Im "Pauli"! Schon in da Vergangenheit woan Mario & Andi erfolgreich in Pauli's Blue Oyster Bar unterwegs. Jetz zum zwoatn Mol mit Bänd.
Fir alle däi, däi's niad persönlich hi g'schaffd homm, woa i (da Stoffl) voa Oat und bring eich an ganzn Haffn Büld- und Tonmaterial mid: 2 HD-Videos (vo noglneie Lieda!) hobi eich houchglon und an komplettn Audiomitschnitt als MP3 (iwa oinahalb Stund lang!). Außerdem gibt's neie Termine fir des Joa! Im Juni und August sann wieder Aftritte geplant! Schaut's vorbei - mir däins! |
|
Samstag, 09. Januar 2010 um 21:10 Uhr |
|
As Joa 2009 is ume und mia schaun zruck af a erlebnisreichs Joa firn dialektbetontn Sprechgesang! Schäi woas, an Haffer Aaftritte hamms ghabt, die Boum und mir hoffn, dass' 2010 genauso weidagäid.  Pünktli zum naia Joa hamm se die Grouskopfadn in Falkaberch glei amal droffn um a nu amol as vagangane Joa zu resümiern. Dou wunderds niad, dass' d Bänd nu amal an'd Zeidung gschaffd homm, um an Kulturpreis zu präsentiern. I hobs amal eigscännd (an Text hobi mal aus Platzgründn wegloua...). Fallts ses nird kennts: Ganz rechts stengers! :)
|
|
|
Lous gäids in 2010! Neue Termine, neue CD! |
|
Dienstag, 19. Januar 2010 um 22:26 Uhr |
|
Sua, äids iss assa: 2010 wiads a neie CD ge'm! Am 20. November kumd se assa - is zwoa nu a weng hi, owa die Bänd wird a boa Liedla sicherlich af die Live-Aafdritte spülln. 2 Liedla kemma ja eh scho (Schnoungkrippl & Da Pforra...). An Segam hobi mal gfrougt, wo's neis gibt af da CD: Er hod gsagt, dass diemal af jedn Fall a die Gräimfett-Gäng mehr midspülln wird (die hod bei da ersten CD ja nu goa niad gem...). Assadem wern a verstärkt traditionelle Instrumente und Rythmen eigsetzt wern, wäi'd Zitter oda amal a Zwiefacher. Und: es wird a Fortsetzung vom Woldbrouda-Lied gem! I bin gspannd. Wou ma scho grod bei Live-Termine sann: Da nächste Aaftritt is am 26.02.2010 im Pauli in Woldsassen! Freida oumd irgendwann, vorm Stoakbiafest in Midadeich am Samda! Also: schaut's hi (... walts sunst wos vabassts!) |
|
Mittwoch, 30. Dezember 2009 um 20:47 Uhr |
|
 An Weihnachtn hod da Andi zam mitm Robert an "Solo"-Aafdritt ghabt. Füll wissens niad, drum sochis äids: Da Andi kummd ja fo näi vom Schloochzeich! Und dees hod ma a gerkt, wäi a am 1. Weihnaachtsfeierdooch im Pauli in Woldsassn oin aafdrummld hod!
I wo dabei und hob eich a boa Videos onlein gstölld: Dou, dou und dou |
|
|
|
|
<< Start < Zurück 1 2 3 Weiter > Ende >>
|
|
Seite 1 von 3 |
