Da Summa kon kumma!

Lang hods dauad bis as Weda endli mal aweng schäi woan is! Wos gidds dou schäiners als a weng a Musi in sauwam Dialekt zu hean! Midlawaal sann an haffa Termine zammkumma, wouz die Bänd live seng kinz:

am Samsdooch, 12. Juni 2010 afm Altstadtfest in Neimoakt (Neumarkt…) i.d.Opf. (um halwa 6e)
am Sunndooch, 13. Juni 2010 in da Zoiglfabrik in Tschitscherlbooch (Windischeschenbach…) ( um ca. 17 Uhr)
am Sunndooch, 04. Juli 2010 afm Bürgerfest in Woldsassen (ab ca. 18:00)
am Samsdooch, 17. Juli 2010 bei Rock im Förderzentrum in Midadeich (Mitterteich) (um 18 Uhr)
am Sunndooch, 1. August 2010 afm Bürgerfest in Falkaberch (Falkenberg) (a ab 18 Uhr)

Also: Schaut’s vorbei, bstöllts eich a Bäia und habt’s an Spaß!

Veröffentlicht unter Segam & Andi B. | Hinterlasse einen Kommentar

Pack‘ mas am Bierfest!

http://woldbrouder.de/images/pauli10.pngEndlich woas sowwit: nach am halbm Joa Pause, is die Band in alter Frische wieder af da Bühne g’standn! Und zwar in *der* Kult-Kneipe in Woldsassn: Im „Pauli“! Schon in da Vergangenheit woan Mario & Andi erfolgreich in Pauli’s Blue Oyster Bar unterwegs. Jetz zum zwoatn Mol mit Bänd.

Fir alle däi, däi’s niad persönlich hi g’schaffd homm, woa i (da Stoffl) voa Oat und bring eich an ganzn Haffn Büld- und Tonmaterial mid: 2 HD-Videos (vo noglneie Lieda!) hobi eich houchglon und an komplettn Audiomitschnitt als MP3 (iwa oinahalb Stund lang!).

Außerdem gibt’s neie Termine fir des Joa! Im Juni und August sann wieder Aftritte geplant! Schaut’s vorbei – mir däins!

Veröffentlicht unter Segam & Andi B. | Hinterlasse einen Kommentar

Lous gäids in 2010! Neue Termine, neue CD!

Sua, äids iss assa: 2010 wiads a neie CD ge’m! Am 20. November kumd se assa – is zwoa nu a weng hi, owa die Bänd wird a boa Liedla sicherlich af die Live-Aafdritte spülln. 2 Liedla kemma ja eh scho (Schnoungkrippl & Da Pforra…). An Segam hobi mal gfrougt, wo’s neis gibt af da CD: Er hod gsagt, dass diemal af jedn Fall a die Gräimfett-Gäng mehr midspülln wird (die hod bei da ersten CD ja nu goa niad gem…). Assadem wern a verstärkt traditionelle Instrumente und Rythmen eigsetzt wern, wäi’d Zitter oda amal a Zwiefacher. Und: es wird a Fortsetzung vom Woldbrouda-Lied gem! I bin gspannd.

Wou ma scho grod bei Live-Termine sann: Da nächste Aaftritt is am 26.02.2010 im Pauli in Woldsassen! Freida oumd irgendwann, vorm Stoakbiafest in Midadeich am Samda! Also: schaut’s hi (… walts sunst wos vabassts!)

Veröffentlicht unter Segam & Andi B. | Hinterlasse einen Kommentar

Ehre wem d’Ehre gebürd!

As Joa 2009 is ume und mia schaun zruck af a erlebnisreichs Joa firn dialektbetontn Sprechgesang! Schäi woas, an Haffer Aaftritte hamms ghabt, die Boum und mir hoffn, dass‘ 2010 genauso weidagäid.

Pünktli zum naia Joa hamm se die Grouskopfadn in Falkaberch glei amal droffn um a nu amol as vagangane Joa zu resümiern. Dou wunderds niad, dass‘ d Bänd nu amal an’d Zeidung gschaffd homm, um an Kulturpreis zu präsentiern. I hobs amal eigscännd (an Text hobi mal aus Platzgründn wegloua…). Fallts ses nird kennts: Ganz rechts stengers! 🙂

Veröffentlicht unter Segam & Andi B. | Hinterlasse einen Kommentar

Da Andi haud ei!

An Weihnachtn hod da Andi zam mitm Robert an „Solo“-Aafdritt ghabt. Füll wissens niad, drum sochis äids: Da Andi kummd ja fo näi vom Schloochzeich! Und dees hod ma a gerkt, wäi a am 1. Weihnaachtsfeierdooch im Pauli in Woldsassn oin aafdrummld hod!

I wo dabei und hob eich a boa Videos onlein gstölld:

Dou, dou und dou

Veröffentlicht unter Segam & Andi B. | Hinterlasse einen Kommentar

Segam & Andi B. gewinnen Kulturpreis „Populärmusik“

Rundschau vom 30.7.2009Der Neue Tag vom 29.8.2009A gloina Schritt fir die Bänd, a groußer Schritt in Richtung Kult! Segam & Andi B. samt da Gräimfettgäng hamm heier an erstn Blootz in da Kategorie „Populärmusik“ vo da Bezirks-Kulturauslobung der Oberpfalz gwunna! Als „Botschafter“ der oberpfälzer Sprouch werns den mid 3500 EUR dotiertn Preis Ende Oktower in Empfang nemma.

Äids stäid dem zwoatn Album nix mehr im Wech, des womöglich scho Anfang 2010 assakummt. Wann genau wois‘ ma niad, owa es sann scho a boa neie Liedla im Kastn!

Glückwunsch an dera Stöll zu dem verdientn Preis vo uns und alle Fans!

Im Naia Dooch (29.8.2009) und in da Rundschau (30.7.2009) woan grouße Artikel dazou. Klickts af die Büdln und leests ses nou!

Veröffentlicht unter Segam & Andi B. | Hinterlasse einen Kommentar

Neue Live-Auftritte

Die vergangenen beidn Wochnendn hod die Bänd zwoa einwandfreie Aafdrittte hieglegt! Letztn Sunndoch in Woldsassn afm Birgafest hamms bei am suppa Weeda aaf da Schwaanerwiesn Stimmung gmacht.

Ii (da Stoffl) woa duat und hob eich a weng wos davo miedbrachd:

A HD-Video vom fabrikneia Liedl „Da Pforra saffd heid Bäia“ und…

…an MP3-Mitschnitt vom komplettn Aafdritt, wou i direkt beim Soundpult oogschlossn ho. Dankschee an der Stöll numal an den Andi vom Sound!

Büdln lod i aa nu affe, wenni a boa schäine aasgsouch hob!

 

Vom Aafdritt in Rengschburch afm Birgafest die Wochn vorher hammer a a Video (Schnoungkrippl). Dou woa da Fred vor Ort, vielleicht schreib a nu amal wos dazou!

Veröffentlicht unter Segam & Andi B. | Hinterlasse einen Kommentar

Schnoungkrippl, Gastbouch, Video

Leit, schaugts her, kaum af MySpace, hom wir a scho an Text, zum neia Summahit vo S&A, und zwor Schnoungkrippl. Finna kinntses wia imma in da Musigsoch Rubrik.

Ah jo, und nu wos, mir ham eitz aa a Gastbouch, oiso schreibts mal wos eine!

Und dann gibts a nu a neis Video af da Bandseitn, af dem segts amal wia die Zusammenarbat vom Segam und vom Andi so aasschaud. (Desweng wirds a nixmehr mim neia Album des Joa…)

Veröffentlicht unter Segam & Andi B. | Hinterlasse einen Kommentar

So isses!

Na dou schaugts her, eitz kannmas scho herzeign, unsre Woldbrouder Seitn!

Mir schaun natürlich das mir haarscharf am Geschehn dabei san, aber des hoast niad, dass mir niad a weng a Hilfe a brachatn, oiso, wenns nu Buidl oder Videos oder anasch Zeich habts, oder sunst a Gsoch fir unsre Seitn, melds eich bei mir (Fred) oder beim Stoffl!

 

Veröffentlicht unter Segam & Andi B. | Hinterlasse einen Kommentar

Sou, etz wirds scho

Sou, etz wirds scho langsam, unsre kloane Seitn, a weng a Buidl Zeich hamma scho, die aktuelln Termine, die Bandmitglieder, und nu so a Zeich.

Veröffentlicht unter Segam & Andi B. | Hinterlasse einen Kommentar