Endlich is soweit! Zwoa Joah nou dem preisgekröntn eastn Album hamm Segam & Andi B. ihr zwoats Album assabracht! Vülln scho vo die zahlreichen Gigs im Summer bekannt hamm 12 brandneie Lieda ian Wech in einwandfreia Studioqualität af die CD gfunna. Gräing kinnts die Scheim afm nächstn Aafdritt (am 25.12. in Neistaadl) oder demnächst bei Hawkhill Records. Die Band hod in erstn Track ins Internet houchglon, dou kinnts glei amal einehean:
Keits ei! by Segam und Andi B.
Vorgstölld hamms die CD am letztn Samsdooch im Schafferhof in Neuhaus. Die Band hat bei ausverkafftn Haus a fette Show abglieferd. Fotos vom Event finds in unsrer Galerie.
Die nächste Gelegenheit, die Band live zu seng habt's an Weihnachten: Am 25.12. dredns in da "Freiheit" in Neistaadl af beim XMas Rock.
>>> Ejtz scho einehean af myspace (Album Snippet)!<<<
Pack' mas am Bierfest!
Sonntag, 28. Februar 2010 um 20:47 Uhr
Endlich woas sowwit: nach am halbm Joa Pause, is die Band in alter Frische wieder af da Bühne g'standn! Und zwar in *der* Kult-Kneipe in Woldsassn: Im "Pauli"! Schon in da Vergangenheit woan Mario & Andi erfolgreich in Pauli's Blue Oyster Bar unterwegs. Jetz zum zwoatn Mol mit Bänd.
Fir alle däi, däi's niad persönlich hi g'schaffd homm, woa i (da Stoffl) voa Oat und bring eich an ganzn Haffn Büld- und Tonmaterial mid: 2 HD-Videos (vo noglneie Lieda!) hobi eich houchglon und an komplettn Audiomitschnitt als MP3 (iwa oinahalb Stund lang!).
Außerdem gibt's neie Termine fir des Joa! Im Juni und August sann wieder Aftritte geplant! Schaut's vorbei - mir däins!
Da Summa kon kumma!
Donnerstag, 10. Juni 2010 um 11:10 Uhr
Lang hods dauad bis as Weda endli mal aweng schäi woan is! Wos gidds dou schäiners als a weng a Musi in sauwam Dialekt zu hean! Midlawaal sann an haffa Termine zammkumma, wouz die Bänd live seng kinz:
am Samsdooch, 12. Juni 2010 afm Altstadtfest in Neimoakt (Neumarkt...) i.d.Opf. (um halwa 6e)
am Sunndooch, 13. Juni 2010 in da Zoiglfabrik in Tschitscherlbooch (Windischeschenbach...) ( um ca. 17 Uhr)
am Sunndooch, 04. Juli 2010 afm Bürgerfest in Woldsassen (ab ca. 18:00)
am Samsdooch, 17. Juli 2010 bei Rock im Förderzentrum in Midadeich (Mitterteich) (um 18 Uhr)
am Sunndooch, 1. August 2010 afm Bürgerfest in Falkaberch (Falkenberg) (a ab 18 Uhr)
Also: Schaut's vorbei, bstöllts eich a Bäia und habt's an Spaß!
Lous gäids in 2010! Neue Termine, neue CD!
Dienstag, 19. Januar 2010 um 22:26 Uhr
Sua, äids iss assa: 2010 wiads a neie CD ge'm! Am 20. November kumd se assa - is zwoa nu a weng hi, owa die Bänd wird a boa Liedla sicherlich af die Live-Aafdritte spülln. 2 Liedla kemma ja eh scho (Schnoungkrippl & Da Pforra...). An Segam hobi mal gfrougt, wo's neis gibt af da CD: Er hod gsagt, dass diemal af jedn Fall a die Gräimfett-Gäng mehr midspülln wird (die hod bei da ersten CD ja nu goa niad gem...). Assadem wern a verstärkt traditionelle Instrumente und Rythmen eigsetzt wern, wäi'd Zitter oda amal a Zwiefacher. Und: es wird a Fortsetzung vom Woldbrouda-Lied gem! I bin gspannd.
Wou ma scho grod bei Live-Termine sann: Da nächste Aaftritt is am 26.02.2010 im Pauli in Woldsassen! Freida oumd irgendwann, vorm Stoakbiafest in Midadeich am Samda! Also: schaut's hi (... walts sunst wos vabassts!)
